Војници во Израел одбија средба со Нетанјаху

 – Некои резервни војници што служат во специјалната единица на израелската војска под име „Алпинист“ одбија да се сретнат со премиерот Бенјамин Нетанјаху при неговата посета на единицата.Според пишувањето на израелскиот весник „Хаарец“, Нетанјаху вчера ја посетил воената база во северниот дел на земјата.Пред неговата посета на специјалната воена единица, војниците добиле упатства да бидат подготвени за состанок, но многу војници не сакале да се сретнат со Нетанјаху.На состанокот учествувале два тима што ги избрал командантот на единицата.Кабинетот на израелскиот премиер даде соопштение за посетата со фотографија од состанокот на Нетанјаху со војниците.