Лев: Не сум заинтересиран за Баерн

Поранешниот селектор на германската фудбалска репрезентација Јоаким Лев изјави дека не планира на крајот на сезоната да го преземе Баерн Минхен.

Клубот од Минхен неодамна објави дека на крајот од сезоната ќе се раздели со досегашниот тренер Томас Тухел, што веднаш предизвика медиумски шпекулации за тоа кој би можел да го наследи.

Лев, кој беше селектор на Германија од 2006 до 2021 година, вели дека има причина зошто не ни размислува да работи во Баварија.

„Баерн веројатно не е заинтересиран за мене како тренер, а јас немам никаков интерес за Баерн. Доволно долго бев селектор на Германија. Во моментов не доаѓа предвид да се бидам тренер во германски клуб. Цели 17 години патував низ оваа земја, бев на сите стадиони… Германија има добри клубови, но тие не ми се доволна мотивација“

Германскиот стручњак истакнува дека не се повлекол од фудбалот.

„Не сум се повлекол од фудбалот, но на крајот на сезоната ќе видам дали ќе има понуди. Можеби некој ќе бара квалификуван тренер за селектор на репрезентацијата. Ќе видам што ќе ми биде достапно“.