Не се обидувајте да поминете во овој период: Грчките земјоделци ќе ги блокираат „Богородица“ и „Меџитлија“

Грчките земјоделци од северниот и северозападниот дел на Грција, денеска, на неколку часа ќе ги затворат граничните премини Евзони (Богородица) и Ники (Меџитлија) кон Македонија.

На Евзони ќе се одржи земјоделски собир што ќе започне околу 12:00 – 12:30 часот по македонско време и во периодот додека трае протестот се очекува да биде блокиран сообраќајот на граничниот премин на неколку часа.

Граничниот премин Ники, според локалните медиуми, ќе биде затворен во периодот од 11:00 до 15:00 часот по македонско време.

Причината за денешните интензивирани активности на земјоделците во Грција е состанокот во Брисел на министрите за земјоделство на Европската Унија на кој ќе се дискутира за новата заедничка земјоделска политика.

<!– PA Ad Tag – infomax.mk_ros_300x250