Шведска зад себе остава 200 години воена неутралност

Шведска остава зад себе 200 години воена неутралност, изјави премиерот на земјата Улф Кристерсон, откако претходно денеска унгарскиот парламент го ратификуваше барањето на официјален Стокхолм за членство во НАТО.

– Шведска остава зад себе 200 години воена воена неутралност и неврзаност. Тоа е голем чекор и нешто што треба сериозно да се сфати, рече Кристерсон на попладневната прес-конференција, јави шведскиот јавен сервис СВТ.

Тој оцени дека Шведска, со претстојното членство во НАТО, „се враќа дома“ во сојузот на демократии.

Ова беше добар ден за Шведска и шведската безбедност, истакна Кристерсон.

– Ова е секако историски ден на кој сме сведоци, додаде тој.

Кристерсон посочи дека остануваат уште неколку чекори пред Шведска формално да стане членка на НАТО и дека во моментов не може да даде никакви информации за тоа кога точно ќе се случи тоа.

Новинарите го прашаа и каква реакција очекува од Русија.

– Што се однесува до Русија, единственото нешто за кое знаеме дека можеме да очекуваме е дека не им се допаѓа Шведска да стане членка на НАТО. Што друго ќе направат, не можеме да знаеме. Подготвени сме за секакви работи, изјави премиерот на Шведска.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>