Макрон: Русија секогаш се закануваше со одмазда

Претседателите на Франција и Чешка, Емануел Макрон и Петр Павел денеска во Прага се согласија дека Европа не смее да се ограничува и однапред себеси да си ја затвора вратата за различни видови воена помош за Украина, освен директно испраќање борбени единици во конфликт што би значело „пречекорување на црвената линија“.

„Прашајте го Путин што не е подготвен да направи, кој ја предизвика војната, прашајте го кои се неговите граници“, им рече Макрон на новинарите по разговорите со чешкиот претседател.

Макрон потсети дека Русија „секогаш се заканувала со одмазда“ и кога Украина добивала тенкови, авиони и ракети како помош, но немало одмазда.

„Нема да ви кажам што ќе правиме бидејќи тоа ќе ја ослабне ефективноста на нашата помош. Нашите принципи се дека Русија не смее да победи, дека мораме да го поддржиме народот на Украина кој сам одлучува што му треба. Не е Русија таа која одлучува што е ескалација, туку одлучува консензусот на сите“, рече Макрон.

Чешкиот претседател на тоа додаде дека на западните сојузници е да изберат како да и помогнат на Украина, под услов да не се впуштат во борбено ангажирање.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>