Зеленски предупреди дека ќе мора да се повлечат доколку наскоро не пристигне американската воена помош

Додека администрацијата на Бајден се обидува да протурка пакет помош од 60 милијарди долари за Украина кој е блокиран во Претставничкиот дом од страна на републиканците, иако тој беше усвоен пред еден месец во Сенатот, Зеленски предупредува дека недостигот на финансии може да ги загрози големите украински градови

Украинскиот претседател Володомир Зеленски изјави дека украинските сили ќе мора да отстапат поголема територија на рускиот агресор доколку во блиска иднина не пристигне американската воена помош од 60 милијарди долари. Според Зеленски, кочењето на финансискиот пакет може драматично да го смени курсот на војната и да ги загрози големите украински градови.

„Ако нема американска поддршка, тоа значи дека немаме противвоздушна одбрана, ракети Патриот, уреди за попречување на електронското војување, артилериски гранати од 155 милиметри.Тоа значи дека ќе се вратиме, ќе се повлекуваме, чекор по чекор, со мали чекори,

вели Зеленски.

Според него, Украина ќе биде принудена да ги штеди ресурсите што може да има сериозни последици во понатамошниот тек на војната.

„Ако ви требаат 8.000 куршуми дневно за да ја одбраните линијата на фронтот, а имате само, на пример, 2.000 гранати, немате друг избор освен да работите помалку. Ако пукне, Русите би можеле да ги нападнат големите градови,

заклучи Зеленски.

Администрацијата на претседателот Џо Бајден се обидува да протурка во Претставничкиот дом пакет за меѓународна помош од 95 милијарди долари, кој вклучува 60 милијарди долари за Украина. Во Претставничкиот дом републиканците го блокираат овој пакет-помош повеќе од еден месец откако беше усвоен во Сенатот.

Минатиот месец Киев објави дека се повлекува од Авдијивка, еден од најголемите градови на источниот фронт, кој со месеци беше под руска опсада и е целосно уништен