Мајка избодена од својата ќерка во Македонски Брод.

76-годишна жена од село од Македонски Брод со убодни рани била донесена во болница. Според пријавата, убодите ги добила од нејзината ќерка. Од МВР велат дека работат на расчистување на случајот.

„На 01.04.2024 во 19.40 часот во Пoлициската станица Македонски Брод, од Здравствен дом Македонски Брод било пријавено дека кај нив со повреди од остар предмет била донесена 76 – годишна жена од село од Македонски Брод. Според пријавеното, таа била повредена од нејзината ќерка. Увид бил извршен и се преземаат мерки за расчистување на случајот.“, стои во соопштението на МВР.