Направете пенлив чоколаден десерт кој сите го сакаат

Не е пудинг, ниту крем, ова пенесто чоколадо има уникатна текстура, а освен што можете да го најдете во продавниците, можете да го направите и дома. Најдовме одличен начин на подготовка.

Чоколадните десерти се незаменливо уживање после ручекот и за возрасните и за децата, а меѓу безбројните видови чоколадни грицки, ретко кој не сака мус. Не е пудинг, ниту крем, ова пенесто чоколадо има уникатна текстура, а освен што можете да го најдете во продавниците, можете да го направите и дома. Денеска истражете го рецептот кој најмногу ви одговара и направете чоколадно изненадување за вашето семејство. Во подготовката можете да ги вклучите и најмалите, за да научат нешто ново и да уживаат.

Ви носиме рецепт за една варијанта на чоколаден мус за кој ви се потребни само две состојки – чоколадо и вода. На почетокот изгледа невозможно да се претвори парче темно чоколадо и малку вода во фина, кремаст чоколаден мус, но можно е ако знаете што да правите.

– Го измислив, но беше толку лесно што малку се срамам – изјави Ерве Ово, автор на книгата „Молекуларна гастрономија: Истражување на науката за вкусот“ (Molecular Gastronomy: Exploring the Flavor) за магазинот Wired и додаде дека трикот е во правилниот сооднос на вода и маснотии и при подготовка во многу ладен сад – тогаш мешањето создава текстура на шлаг.

Потребни состојки:

230 гр темно чоколадо, со 70 проценти какао
3/4 шолја вода (2,4 dl чаша)
коцки мраз за ладење
Постапка:

Чоколадото растопете го во вода, изладете го во ледена купка – ставете многу мраз и вода во голем сад – натопете ја стопената чоколада во неа и мешајте додека не добиете фина пена. И тоа е се. Поделете во чинии и по желба додадете малку шлаг одозгора.