Милан без мака го победи Лече

Милан лесно со 3:0 го совлада Лече во 31. коло од италијанската Серија А и се зацврсти на второто место на табелата.

„Росонерите“ практично ја завршија целата работа во првите 20 минути. Поведоа во шестата минута со голот на Кристијан Пулишиќ, а се беше практично решено во 20. минута кога Жиру беше прецизен по асистенцијата на Адли.

Работата на домаќинот уште повеќе ја олесни Никола Крстовиќ, кој по невнимателен старт доби директен црвен картон.

Точка на победата стави Рафаел Леао во 57. минута, а повторно асистент беше Адли.