Запален билборд на Таравари кај ЗОО во Скопје

Во близина на Зоолошката градина во Скопје, набрзо по полноќ изгорел билборд на кандидатот за претседател Арбен Таравари. МВР соопшти дека презема мерки за расчистување на настанот. -На 07.04.2024 во 01.15 часот во СВР Скопје било пријавено дека на крстосница од бул. „Илинден“ со ул. „Рузвелтова“ бил опожарен билборд на еден од кандидатите за претседател на Република Северна Македонија. Од екипа на Бригадата за противпожарна заштита – Скопје, пожарот бил изгаснат“, соопштија од Министерство за надворешни работи. Претседателскиот кандидат на албнаската опозиција „Вреди“, Таравари се произнесе дека не верува дека билбордот е намерно запален, особено не од некој од приврзаниците на противкандидатите во претседателската трка. -Никогаш не би му направил такво нешто на противкандидат. Верувам дека надлежните институции ќе кажат зошто и како… Не знам дали е направено од нивна страна или некој друг, да ги оставаме институциите да ја завршат нивната работа, рече Таравари.