Милиони американски граѓани ќе сведочат на реткиот космички феномен

Како што соопштуваат од НАСА, почетната точка на затемнувањето ќе биде на островите Кук во Тихиот Океан, од каде што ќе се движи низ Мексико и 13 американски држави пред да заврши во Њуфаундленд и Лабрадор, Канада

Триесет и два милиони американски граѓани денеска ќе бидат сведоци на еден редок астрономски феномен – целосно затемнување на Сонцето од страна на Месечината.

Затемнување на Сонцето / Илустративна фотографија: Unsplash

Како што соопштуваат од НАСА, почетната точка на затемнувањето ќе биде на островите Кук во Тихиот Океан, од каде што ќе се движи низ Мексико и 13 американски држави пред да заврши во Њуфаундленд и Лабрадор, Канада. Затемнувањето делумно ќе може да се види и од западните делови на Обединетото Кралство.

Денешното целосно затемнување на Сонцето ќе биде мошне уникатно бидејќи се разликува од она во 2017 година. Според научниците, како што јавува Би-би-си, короната на Сонцето, односно најоддалечениот слој ќе биде повидлив од последното помрачување пред седум години поради зголемената сончева активност во моментот на случувањето. Денешното помрачување ќе биде повидливо и ќе трае две минути подолго од претходното.

Во текот на космичкиот настан НАСА ќе спроведе многу експерименти, вклучително и лансирање ракети во сенката на затемнувањето и испраќање истражувачки авиони за следење на нејзиниот пат.

Затемнување на Сонцето е редок феномен во кој Месечината поминува помеѓу Сонцето и Земјата, целосно или делумно блокирајќи ги сончевите зраци кон Земјината површина.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>