Руската инвазија врз Украина ја загрозува глобалната безбедност

Германскиот канцелар Олаф Шолц денеска во Пекинг му кажа на кинескиот лидер Си Џинпинг дека руската инвазија врз Украина ја загрозува глобалната безбедност.

Шолц, исто така, на кинескиот претседател му кажал дека во оваа војна не треба да се закануваат со нуклеарно оружје, пренесоа германските медиуми.

Рускиот претседател Владимир Путин минатиот месец предупреди дека Русија е подготвена да употреби нуклеарно оружје доколку се загрозени нејзиниот суверенитет или независност.

Шолц, исто така, на Си му кажал дека „виталните интереси“ на Германија се засегнати од војната против Украина и дека Москва го прекршува принципот на Повелбата на Обединетите нации и принципот на неповредливост на националните граници.

Иако тврди дека не испраќа воена помош за Москва, Кина не ја критикуваше руската инвазија врз Украина и одржува тесни економски врски со Русија.

Кинеската агенција Ксинхуа денеска објави дека Си на средбата со Шолц изјавил дека Кина ги охрабрува и поддржува сите напори што водат кон мирно решавање на кризата и го поддржува навременото свикување меѓународна мировна конференција, со еднакво учество на сите страни и дискусија за сите мировни опции.

„Кина е подготвена да ја одржи соработката со сите релевантни страни, вклучително и Германија, во овој поглед“, рече Си.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>