Сестри од Загреб воделе ЛАНЕЦ НА ПРОСТИТУЦИЈА: Испливале цените, а еве и КОЛКУ ПАРИ ЗАРАБОТИЛЕ
Пред два дена, Општинското државно обвинителство во Загреб подигна обвинение против две сестри од Загреб (33, 28) за организирање ланец на проституција.
Првообвинетата работела во периодот од јануари 2017 до септември 2022 година, а второобвинетата од јануари 2018 до септември 2022 година во Загреб. Како што пишува во обвинението, заедно преку огласи стапиле во контакт со девојките со кои се договориле дека ќе им наоѓаат клиенти.
Објавиле неколку огласи во кои рекламирале давање сексуални услуги на жртвите, по што лично одговарале на објавените телефонски броеви и нуделе услуги на заинтересирани мажи по однапред договорена цена и потоа ги упатувале во деловен и станбен објект на Загрепска авенија и други адреси. Становите ги изнајмувале.
Заработиле најмалку 30.173,89 евра.
Наплаќале по 160 евра на час
Како што пишува во обвинението, на заинтересирани мажи им нуделе сексуални услуги по цена од 53,09 евра за половина час, а 106,17 евра за еден час. Цените се менувале, па имало и 79,63 евра за половина час и 159,27 евра за еден час. Барале и 66,36 евра за половина час и 132,53 евра за еден час.
Услугите се рекламирале под наслови како „Русокоса бомба 35“, „Атрактивна русокоса 35“, „Мазна37“, „Огнена русокоса, гради 4“, „Русокоса милф“ и слично.
„Се правев за доброто на компанијата. Идејата ја добив кога врзано со проституцијата гледав една емисијата, по што направив мало истражување и почнав да се занимавам со тоа. Решив да заработам пари и да ја спасам фирмата. Никој не е оштетен и никој не бил присилен на ништо. Девојките сами се јавуваа и работеа колку сакаат“, рекла пред судот првообвинетата.
“Ми требаа пари и затоа почнав да се занимавам со тоа. Сестра ми ми даде да одговорам на телефонските повици и знаев за што се работи. Целиот бизнис не го дизајнирав јас, туку сестра ми”, рекла нејзината сестра.
