Ердоган ја одложи посетата на Белата куќа

Турскиот претседател Реџеп Таип Ердоган ја одложи средбата со американскиот претседател Џо Бајден, која требаше да се одржи на 9 мај во Белата куќа, соопшти турски претставник.„Со нетрпение очекуваме да го пречекаме претседателот Ердоган во Белата куќа во заемно погодно време“, рече портпаролот на Белата куќа.Говорејќи под услов да остане анонимен, турскиот функционер рече дека наскоро ќе биде одреден нов датум за состанокот, додека неговото одложување сè уште останува нејасно.Иако Белата куќа никогаш официјално не ја објави можната посета на Ердоган, американски претставник изјави дека по посетата на турскиот министер за надворешни работи Хакан Фидан на Вашингтон, Белата куќа се согласила на средба меѓу Бајден и Ердоган, пишува Ројтерс ,Ердоган и Бајден се состанаа неколку пати на меѓународни самити и имаа телефонски разговори, но доколку средбата се одржи тогаш тоа ќе биде прва посета на турскиот претседател на Вашингтон.Врските меѓу САД и Турција одамна се затегнати. И покрај тоа што тие се намалија откако Анкара ја ратификуваше шведската кандидатура за членство во НАТО, тензиите меѓу двете земји опстојуваат околу Сирија, Русија и војната во Газа.Инаку, Ердоган неодамна беше во посета на Ирак. Тој се сретна и со лидерот на Хамас Исмаил Ханије во Истанбул, што е прва средба меѓу Ердоган и член на Хамас откако Израел ја започна својата воена офанзива во Газа.