Жрната од Кратово која го уби сопругот и свекорот пријавувала во МВР насилство уште лани, ама и таа била пријавувана !!!!!

За неколку години, неколку пријави. Семејното насилство одамна било проблем во домот на 36-годишната В.И. и нејзиниот сопруг, во Кратово.

Пријавувала самата, а имало пријави и против неа. Сега нема потврда, дали мотивот за злосторството е поврзан со семејно насилство.

Но, од Кратово вчера одекна веста дека сопругата си го убила својот сопруг и неговиот татко.
Од полиција брифираат дека последната пријава за семејно насилство пристигнала годинава, во полициската станица во Кратово и тоа од страна на сега осомничената В.И.

За семејно насилство, сега приведената ја пријавувала со поплака нејзината свекрва, а лани за истото дело ја пријавила и золвата.

Сепак, сега веќе убиениот сопруг уште во 2020 година, ја пријавил во полиција својата сопруга.

Во годината пред тоа, против Ј.И., сопругот на жената-сторител на вчерашното убиство, во Основното јавно обвинителство Куманово била поднесена кривична пријава, за делото загрозување на сигурноста при семејно насилство.