Српските фудбалски судии Милановиќ, Илиќ и Николиќ делегирани за европските натпревари

Судиската комисија на Европската фудбалска унија (УЕФА) делегираше тројца српски судии за натпреварите од првото коло од квалификациите за Лигата на шампионите и Конференциската лига.

Како што објави УЕФА на официјалната веб-страница, Милош Милановиќ на 17 јули ќе биде главен арбитар на реванш натпреварот од првото коло од квалификациите за Лигата на шампионите меѓу молдавски Петрокуб и казахстански Ордабаси.

Асистенти на терените ќе му бидат Милан Пашајлиќ и Новак Новаковиќ, додека четврти судија е назначен Милан Илиќ.