Симон ќе паузира до октомври

Унаи Симон првиот голман на Атлетик Билбао и на шпанската репрезентација, кој во неделата со неа стана европски шампион, оваа недела ќе мора да го оперира зглобот.

Симон ќе паузира три до четири месеци. Според очекувањата, тој некаде во октомври ќе може да се стави на располагање на својот клуб.

Симон веќе некое време се мачи со повреда која сега ќе ја санира со операција.

Очекувањата се дека ќе пропушти најмалку осум првенствени натпревари во новата сезона и неколку од нив во Лига Европа. Него во тој период на голот на Атлетик ќе го замени Хулен Агирезабала, голманот кој бранеше за тимот во Купот на Кралот, кој Атлетик го освои.

На ЕП, Унаи Симон, не бранеше само во третото коло во групата против Албанија.

Минатата сезона одигра 36 натпревари во Примера, прими 33 гола, а 18 пати остана несовладан.