Ален Деребан избран за Заменик министер во Министерството за правда.
Почитувани,
Сакам да изразам голема благодарност до Претседателот на Владата на Република Македонија, проф. д-р. Христијан Мицкоски / Hristijan Mickoski и до пратениците во Собранието на Република Македонија, за укажаната доверба да бидам избран за Заменик министер во Министерството за правда.
Честта, ентузијазмот и благодарноста, првично ја споделувам со Вас, членовите на ВМРО-ДПМНЕ, со кои во изминатиот период со планирани и постојани активности, заедно го комплетиравме мозаикот на историската победа на парламентарните и претседателските избори.
Ве уверувам дека доверената функција ќе ја извршувам професионално, чесно и одговорно, во согласност со Уставот, позитивните законски прописи и во интерес на граѓаните на Република Македонија.
Ни претстои тешка и континуирана работа, но убеден сум дека и во иднина ќе можам да сметам на Вашата поддршка и дека заедно ќе успееме во крајната цел, да го вратиме достоинството и гордоста на Македонскиот народ и на сите граѓани во Република Македонија.
Секогаш Ваш
Ален Деребан
