Лубеницата и дињата не се препорачуваат за сите: Одредени луѓе треба да внимаваат

Со доаѓањето на летото, лубеницата и дињата често се на нашите трпези и многумина уживаат во нивниот освежителен вкус.

Лубеницата е богата со магнезиум, калиум, калциум, цинк, железо, бакар, кобалт, јод, витамини Ц, А, група Б и фолна киселина.

Дињата содржи калиум, калциум, натриум, магнезиум, сулфур, железо, јод, витамини А, Ц, Е и групи Б. Хранливите материи подобро се апсорбираат кога овошјето се консумира посебно, затоа не треба да се мешаат дињата и лубеницата.

Контролата на порциите е важна

Порција од 300 до 500 грама дневно нема да предизвика прејадување и нема да му наштети на здравјето на гастроинтестиналниот тракт. Се препорачува да се јаде лубеница и диња во првата половина од денот.

Ова ќе помогне да се избегнат навечер скокови на нивото на шеќер во крвта и нарушувања на спиењето.

Кој треба да внимава?

Умерените количини лубеница не претставуваат сериозен ризик по здравјето за повеќето луѓе, но некои треба да бидат претпазливи, пренесува Medical News Today.

Пред се дијабетичарите. Лубеницата е овошје со природна содржина на шеќер. Луѓето со дијабетес мора однапред да го планираат внесот на јаглехидрати во нивното дневно мени.

Подобро е лубеницата да се консумира цела отколку како сок, бидејќи влакната се отстрануваат со цедење, па телото полесно го впива шеќерот. Ова може да го зголеми ризикот од скокови на гликоза.

Исто така, некои може да развијат симптоми на алергиска реакција, како што се осип, оток и отежнато дишење, после јадење лубеница. Ако тоа се случи, на лицето му е потребна медицинска помош бидејќи алергиската реакција понекогаш може да доведе до анафилакса – состојба опасна по живот.

Дијабетичарите и пациентите кои земаат бета-блокатори, лекови за срцеви заболувања, треба да внимаваат кога јадат диња. Диња обезбедува околу 10 проценти од вашите дневни потреби за калиум, а бета-блокаторите може да предизвикаат зголемување на нивото на калиум.

Луѓето кои земаат бета-блокатори треба умерено да консумираат диња, бидејќи високото ниво на калиум може да доведе до оштетување на бубрезите.

Исто така, секој со проблеми со бубрезите треба да се консултира со лекар пред да го зголеми внесот на храна богата со калиум, како што е дињата.