Менди го продолжи договорот со Реал

Реал Мадрид и Ферлан Менди се договорија да ја продолжат соработката до 2027 година.

Клубот од Мадрид се реши на овој потег и покрај честите повреди на францускиот лев бек.
Менди ќе има опција да ја продолжи соработката со Реал Мадрид за уште една година по завршувањето на актуелниот договор.

Што значи ова за Алфонсо Дејвис? Канадскиот репрезентативец и играч на Баерн со месеци се поврзува со трансфер во Реал. Според шпанските медиуми новиот договор на Менди нема да смени ништо, односно Реал се уште е заинтересиран за неговите услуги.