Клоп: Би бил лицемер ако ја прифатам понудата од Англија

Јирген Клоп нема намера да ги менува плановите и сигурно ќе паузира една година од фудбалот.

Поранешниот тренер на Ливерпул се споменува како кандидат за замена на Герет Саутгејт на клупата на Англија.

Сепак, Германецот вели дека барем засега нема ништо од тоа.

„Селектор на Англија? Ако прифатам тогаш ќе бидам најголемиот лицемер во историјата, затоа што веќе реков дека сакам да се одморам. Мојот одговор во овој момент е не. Во овој момент не размислувам за никакви понуди. Прашајте ме за се за неколку месеци“, изјави Клоп.