Роботски кучиња и роеви од беспилотни летала неодамна беа видени во акција во северозападниот кинески регион Ксинџијанг, каде што беа користени како дел од заедничката антитерористичка вежба спроведена од Шангајската организација за соработка (SCO).


Вежбата имаше задача да ја покаже одлучноста и способностите на SCO да се брани од терористички закани. Исто така, ова е првпат сите земји-членки на SCO да учествуваат во заедничка вежба.

За време на вежбата војниците и полицајците биле целосно вооружени со автоматски пушки, пиштоли и штитови, а биле користени и оклопни и теренски возила, како и хеликоптери. Исто така, за време на вежбата беа користени роеви од дронови и роботски кучиња.

Вежбата вклучуваше специјални операции како што е „искоренување на терористичката група“ за одговор на значајни терористички закани. Тоа беше набљудувано од земјите-членки, секретаријатот и извршниот комитет на регионалната антитерористичка структура на SCO.

SCO е основана во 2001 година, првично составена од шест земји вклучувајќи ги Русија, Казахстан, Киргистан, Кина, Таџикистан и Узбекистан, а моментално има десет членки, вклучувајќи ги Индија, Пакистан и Белорусија.

SCO претходно одржа неколку антитерористички вежби, но сите беа билатерални и мултилатерални и не учествуваа сите земји-членки.

Оваа организација има долга историја на ефикасна соработка во борбата против тероризмот, а последната вежба воспостави нов модел на заеднички вежби на релевантните агенции и ги подобри заедничките оперативни способности на властите на земјите-членки на SCO, пренесува Ксинхуа.

Се чини дека Кина постигна напредок во развојот на кучиња-роботи, бидејќи за време на вежбата беше користено куче-робот опремено со пушка.