Русија сака да изгради нуклеарна централа во африканска земја каде најголемиот дел од населението нема струја

Делегација од Росатом, рускиот нуклеарен гигант, во вторник, на 6 август, ја започна четиридневната посета на Буркина Фасо, за да го процени проектот за изградба на електрана во слабо електризираната земја.Во октомври 2023 година, во Москва, владите на Буркина Фасо и Русија потпишаа договор за изградба на нуклеарна централа. Двете земји се зближија откако воената хунта предводена од капетанот Ибрахим Траоре дојде на власт во септември 2022 година.„Делегацијата на Росатом дојде да разговара за техничките аспекти со цел да се постават сите неопходни предуслови за имплементација и почеток на изградбата на оваа централа. Имаме големи надежи за оваа посета, која ќе ни овозможи да се справиме со реалноста на енергетските прашања. но и со други аспекти што ќе се однесуваат на другите министерства“, рече министерот за енергија на Буркинабе, Јакуба Забре Гоуба на крајот од работната сесија.Главниот инженер на Росатом, Александар Ренев изјави дека ќе направат се за што поскоро да се формира нуклеарна централа.За локацијата на централата, „земајќи ја предвид безбедноста“ во земјата поткопана од насилство, треба да се разговара за време на престојот на делегацијата, кој завршува во петок, додаде Ренев.На крајот на 2020 година, само 22,5 отсто од населението на Буркина Фасо (67,4 отсто во урбаните области, 5,3 отсто во руралните области) имаа пристап до електрична енергија, според Африканската банка за развој.„Сакаме, преку нуклеарно решение, еднаш засекогаш и долгорочно да го решиме енергетскиот дефицит со кој се соочува Буркина“, рече Јакуба Забре Гоуба.Буркина Фасо увезува голем дел од својата електрична енергија од соседните Брегот на Слоновата Коска и Гана, а остатокот го произведува локално, главно користејќи хидро и соларна енергија.Африканскиот континент моментално има само една нуклеарна централа, а тоа е во Јужна Африка.