Фил Фоден играч на годината во Англија

Фудбалерот на Манчестер Сити и англиски репрезентативец Фил Фоден ја доби наградата за најдобар играч во Англија за 2024 година.

Ова ласкаво признание го доби од „Здружението на професионални фудбалери“ на Англија.

Фоден на свечената церемонија се појави во друштво на својата поубава половина и синот Рони, со кои ја сподели радоста на признанието.

„Посебна благодарност му должам на Пеп Гвардиола, на сите тренери во Манчестер Сити и на моите соиграчи кои ми помогнаа да бидам подобар секој ден“, изјави Фоден при добивањето на наградата.

Фудбалерите на Манчестер Сити освоија четири од последните пет награди за играч на годината.

Фоден ги комплетираше сите индивидуални награди во 2024 година, бидејќи претходно беше прогласен за најдобар играч на Премиер лигата во сезоната 2023/2024 и во изборот на новинарите во Англија.