Ја полеал со бензин и ја запалил – Олимпијката Чептегуи во критична состојба

Маратонката од Уганда Ребека Чептегуи се здобила со изгореници на 75 отсто од телото откако нејзиниот партнер наводно ја полил со бензин и ја запалил.

Веста ја пренесоа локалните медиуми.

Чептегуи е во болница во Елдорет, Кенија, во критична состојба. Нападот се случил во неделата попладне, објавија медиумите во Кенија и Уганда.

Полицискиот комесар, Џеремаја Оле Косиом изјави за локалниот весник „Стар“ дека во нападот бил повреден и Даниел Ндиема Марангаш, со кој Чептеги е во емотивна врска. Целата ситуација тој ја опиша како „семејно насилство“.

Официјално полицијата останува на изјавата дека истрагата е во тек.

Ребека Чептегуи ја претставуваше Уганда во Париз на Олимпијадата, во маратонската трка го освои 44. место.