WhatsApp ги менува системските барања, па наскоро некои модели на iPhone повеќе нема да можат да ја користат оваа апликација.


Од 24 февруари 2025 година, минималниот услов за WhatsApp на уредите со iPhone ќе биде инсталиран оперативен систем iOS 14.1.

Ова значи дека ако имате еден од постарите iPhone-и, нема да можете да се допишувате со семејството и пријателите преку оваа апликација.

Во суштина, сите iPhone 6, iPhone 5s, iPhone 6 Plus и постари модели се погодени, бидејќи тие не можат да се ажурираат на потребната верзија на оперативниот систем.

Како главна причина за оваа одлука, WhatsApp ја наведува безбедноста на корисниците, и вели дека постарите оперативни системи не ги исполнуваат сите потребни стандарди за да ги извршуваат потребните функции.

За корисниците на Android нема нови системски барања – доволно е да имате Android 5.0 на телефонот и можете да користите WhatsApp.