Проблем за Далас, се повреди Дончиќ

Лука Дончиќ се повредил на тренингот на Далас Маверикс. Словенецот се здобил со контузија на левата потколеница. Проценката за состојбата на Дончиќ ќе биде позната за една недела, а потоа лекарскиот тим треба да процени и кога тој ќе се врати на теренот.

Во меѓувреме Далас го очекуваат претсезонски натпревари во НБА, а првиот ќе биде за шест дена против Мемфис, а потоа Маверикс ќе играат на 11 октомври со Јута, на 15 октомври со ЛА Клиперс и на 18 октомври со Милвоки.

Сезоната за Далас започнува на 25 октомври, со натпреварот против Сан Антонио. Во секој случај, ова ќе биде голем удар за Маверикс на стартот од сезоната.