Луис Енрике: Чави во Барса изгледаше како да го тренира Еибар

Луис Енрике во последно време е во центарот на вниманието поради изоставувањето на Усман Дембеле, но и поради тоа што се појавуваат делови од документарниот филм кој „Мовистар“ го направи за Пари Сен Жермен.

Шпанецот беше еден од клучните актери, а неговите критики кон Килијан Мбапе веќе го обиколи светот на социјалните мрежи.

Во овој документарец, Енрика ја спореди својата со Барса на Чави и се нафрли на поранешниот тренер и капитен на каталонскиот гигант.

„Барселона со Чави во текот на двете сезони не беше доминантен тим, ниту го контролираше поседот. Доколку тоа беше така во мое време, не само што ќе бевме критикувани, туку и ќе бевме на столбот на срамот. Ако сте некој што е слепо на страната на Чави ќе речете дека тој е третиот човек на клубот по Јохан Кројф и Пеп Гвардиола, но ако сте неутрален аналитичар, ќе кажете дека изгледа како да го тренира Еибар. Со мене Барса имаше своја ДНК, со Чави не беше така“, изјави Луис Енрике.