Уапсен маж поради закана за поставување експлозив пред куќа – пронајдени две рачни бомби

На 24 октомври 2024 година, во раните утрински часови, околу 03:20 часот, во селото Доброште, тетовско, полициски службеници од Полициското одделение Теарце го лишиле од слобода 52-годишниот Г.Ц. од селото Мала Речица. Неговото апсење следувало откако лице од тетовскиот регион го пријавило дека го слушнало како пред неговата куќа разговара со друго лице и договарале поставување на експлозивна направа во близина на куќата на пријавителот.

Околу 10:15 часот, покрај локалниот пат во близина на куќата на пријавителот, полициските службеници пронашле две неексплодирани рачни бомби. Бомбите биле безбедно отстранети од страна на надлежните служби.

Г.Ц. е задржан во полициска станица и против него ќе биде поднесен соодветен поднесок, додека истрагата продолжува за целосно расветлување на случајот и утврдување на сите вклучени лица.

The post Уапсен маж поради закана за поставување експлозив пред куќа – пронајдени две рачни бомби appeared first on 24info.mk.