Загина пешак во сообраќајна несреќа кај Батинци

Осумдесет и тригодишен пешак од селото Батинци, Скопско загина во сообраќајна несреќа, по удар на автомобил.

Несреќата се случила на крстосницата од регионалниот пат Скопје-ХЕЦ Козјак со улицата „1“ во селото Батинци. Починатиот е маж со иницијали Ф.И., а автомобилот со кој бил удрен го управувал 33-годишник од селото Цветово (А.С.), објави полицијата.

Пешакот загинал од здобиените повреди, а од страна на лекар од Итната медицинска помош била констатирана смрт.

По наредба на јавен обвинител, телото на починатиот е дадено на обдукција. Со телесни повреди се здобил и возачот на автомобилот.

Извршен е увид.

The post Загина пешак во сообраќајна несреќа кај Батинци appeared first on 24info.mk.