На инсистирање на Инзаги, Интер „заклучи“ важен играч

Холандскиот репрезентативец Дензел Дамфрис договори продолжување на соработката со Интер.

Десниот бек, кој веќе три години настапува за актуелниот шампион на Италија, потпиша договор до јуни 2028 година.

Тренерот Симоне Инзаги инсистираше да остане во клубот.

Тој смета дека е исклучително важен за играта на тимот во двата правци и е еден од најсигурните играчи на „нероазура“ во системот 3-5-2 на десната бековска позиција.

Дамфрис дојде во Интер пред три години од ПСВ.