(Видео) Аталанта не запира, го победи и Милан

Фудбалерите на Аталанта го победија Милан со 2:1 (1:1), во локалното дерби кое се одигра во 15.коло во Серија А.

Аталанта со оваа победа, деветта во низа, се искачи на првото место на табелата во италијанскиот шампионт. Триумфот над Милан беше 11. за Аталанта од почетокот на сезоната во Серија А. Ла Деа има два бода повеќе од Наполи, кој в недела ќе го одигра својот натпревар од оваа рунда.

Аталанта поведе по 12 минути игра, со голот на поранешниот фудбалер на Милан Шарл Де Кетеларе.

Сепак, Милан брзо одговори, пет минути подоцна Алваро Мората израмни по брз и ефикасен напад.

Со овој резултат заврши првото полувреме, но во второто Аталанта сепак беше подобрата екипа.

Доминираа во поседот, па на крајот сосема заслужено стигнаа до вториот гол кој го постигна Адемола Лукман во 87. минута. До крајот Милан не успеа да се доближи до голот на Карнесеки, а Ретеги не успеа да го постигне третиот гол за Аталната, во ситуација „еден на еден“ Мењон беше посупешен.