Депресијата, освен емоционални, создава и сериозни физички проблеми: Терапијата не е за џабе

За жал, физичките симптоми на депресија често се занемаруваат. Абнормалното функционирање на невротрансмитерите како што е серотонин може да го промени прагот на болка.

Депресијата е нарушување на мозокот што може да доведе до многу емоционална болка. Но, промените во начинот на кој работи мозокот исто така може да имаат големо влијание врз телото.

Депресијата придонесува за широк спектар на физички проблеми кои влијаат на многу делови од телото, од срцето до имунолошкиот систем, пишува WebMD.

Некои болести можат да предизвикаат и депресија, создавајќи маѓепсан круг од кој е тешко да се излезе.

Депресијата влијае на здравјето на многу повеќе начини отколку на расположението. Ова се некои од најчестите физички симптоми на депресија:

– зголемена болка, која се јавува кај приближно две од три лица со депресија
– хроничен замор
– намалено либидо
– намален или зголемен апетит
– несоница, недостаток на длабок сон или прекумерно спиење

Што ги предизвикува физичките симптоми на депресија?

Промените во мозокот влијаат на многу телесни системи. На пример, абнормалното функционирање на невротрансмитерите како што е серотонин може да го промени прагот на болка. Тоа значи дека станувате почувствителни на болки, особено во грбот, пренесува ordinacija.vecernji.hr.

Серотонин, исто така, влијае на спиењето и го намалува сексуалниот нагон. Речиси половина од луѓето со депресија имаат проблеми со сексуалниот живот.

За жал, физичките симптоми на депресија често се занемаруваат. Некои студии покажаа дека проблемите со спиењето, заморот и здравствените проблеми се сигурни показатели за депресија кај постарите возрасни лица. Но, овие знаци често рутински се отфрлаат како природен дел од стареењето.

Депресијата предизвикува болест

Депресијата го зголемува ризикот од многу болести и други состојби со зголемување на нивото на хормоните на стрес како кортизол или адреналин.

Депресијата може да влијае на имунолошкиот систем, што го отежнува телото да се бори против инфекцијата. Некои вакцини може да бидат уште помалку ефикасни кај постарите луѓе со депресија. Депресијата е поврзана и со срцеви заболувања.

Сите овие промени можат да доведат до маѓепсан круг кој е тешко да се прекине без лекување на депресијата.