Нина Бадриќ предупреди на измама: Верувам дека разбирате дека јас не стојам зад тоа

Пејачката Нина Бадриќ ги предупреди своите следбеници за измама која кружи на интернет. Таа сподели порака која ја добила од следбеник.

„Поздрав, драга Нина, кружи видео во кое даваш интервју и кажуваш дека си ослабела со некој кето прав. Ако сакаш да ми одговориш, дали тоа видео е монтажа? Затоа што во него ги нарекуваш луѓето кои вежбаат – идиоти“, ѝ напишала една жена.

Нина на тоа одговорила: „Верувам дека сте доволно паметни да знаете што е лажна вест. Ако не сте го виделе производот на мојот официјален профил за да го промовирам, тогаш претпоставувам дека ви е јасно дека јас не стојам зад тоа“.