ChatGPT отсега достапен и за телефонски повици и пораки

Матичната компанија на ChatGPT, OpenAI, претстави нова функција на WhatsApp, која им овозможува на американските корисници да разговараат со четбот.

Еден 15-минутен гласовен разговор со четбот месечно е бесплатен во САД, објави во средата OpenAI.

Наместо тоа, корисниците надвор од Соединетите држави можат да испраќаат пораки до ChatGPT преку WhatsApp.

„1-800-ChatGPT беше лансиран на експериментална основа за да се овозможи поширок пристап до ChatGPT“, велат од компанијата.

Генеративната алатка за вештачка интелигенција забележа брз раст од нејзиното лансирање во 2022 година, надминувајќи 200 милиони неделни корисници во август.