Казни за Детска клиника и за директорот Мемеди бидејќи не образложиле зошто е одбиен прием на седуммесечното бебе кое почина

Казна за Детската клиника и директорот Реџеп Мемеди, поради тоа што не издале писмено образложение зошто е одбиено седуммесечното бебе кое почина на 15. декември, соопшти Државниот санитарен и здравствен инспекторат, пренесува САКАМДАКАЖАМ.
ДСЗИ изврши вонреден инспекциски надзор во врска со починатото дете, и заклучиле дека истото било донесено на 9. декември поради висока температура и осип по телото. Првично биле прегледано, и упатено е на дополнителни испитување, по што е препишана терапија и испратено дома.

Потоа на 11. декември повторно било донесено на Клиниката, и хоспитализирано на Одделот за неврологија. Му се направени повеќе испитувања, а два дена подоцна трансферирано на Одделот за интензивна нега и терапија. По стабилизирање на состојбата, одново вратено во неврологија, каде престојувало неколку часа, и повторно вратено на интензивна, каде биле направени дополнителни прегледи, кои укажале на тешка општа состојба, па така во вечерните часови на 15. декември завршува со егзитус, велат од Инспекторатот.

Изминатиов период имаше уште три смртни случаи на деца на Клиниката за детски болести. Почина 14-месечно девојче, за чија смрт беа суспендирани две медицинска лица. Потоа почина бебе старо 8 дена од Струмица, а почина и петгодишно девојче.