Данела ги “закрпила” и пејачите.

Им кажале да снимаат видеа на кои го фалат Град Скопје и организацијата, го сториле тоа, ама останале без пари. Музичките уметници кои лани за Нова Година ги забавуваа скопјани на Плоштад Македонија, останаа без хонорарите кои Град Скопје им ги ветил. Иако според договорот, истите требало да им се исплатат во рок од три месеци, пејачите за Сител тврдат дека веќе цела година ги чекаат финансиите.
Од Комората за музичка индустрија поднеле и тужба. Станува збор за над 50 лица кои не добиле пари, а биле дел од програма која лани беше организирана за новогодишните и божиќните празници од страна на Град Скопје.

Сител испрати прашања до Градот поради која причина не се исплатени финансиите на музичките уметници, но одговор не добивме.