Неуништливиот Ибрахимовиќ се враќа во репрезентацијата?

Прекрасниот Златан Ибрахимовиќ , и покрај доцните играчки години, би можел повторно да игра во дресот на шведската репрезентација во претстојните квалификации за ЕП 2024 година.

Ибрахимовиќ се врати на тренинзите и полека ја остава зад себе повредата. Шведска неодамна имаше проблеми со класичниот напаѓач, иако во неговите години Ибра има уште многу да покаже.

Последен пат за својот Милан играше во мај минатата година, по што се здоби со повреда на коленото и истото го оперира. Селекторот на шведската репрезентација Јане Андерсон со зборови го поздрави враќањето на Ибрахимовиќ.

– Неодамна се слушнавме. Ние сме во добри односи. Доколку успее целосно да се опорави и ако се чувствува добро, дефинитивно ќе ни биде интересен како напаѓачка опција. Годините не се важни, не се грижам за неговата форма. Тој дава многу во соблекувалната и на теренот. Ме фасцинира како тоа влијае на младите играчи – изјави Андерсон.

Првите квалификациски натпревари за ЕП 2024 година Шведска ќе ги одигра на 24 и 27 март, кога прво ќе се сретне со Белгија, а потоа со Азербејџан. Во групата се и Австрија и Естонија

Ибрахимовиќ за шведската репрезентација одигра 121 натпревар и постигна 62 гола, што го прави најдобар стрелец во историјата на оваа скандинавска репрезентација.

Во меѓувреме, Ибра последниве неколку дена одмара на Флорида во друштво на сопругата Хелена, каде објави видео од тренинг на плажа како влече тегови на јаже.