Валенсија сака да го позајми Елмас од Лајпциг

Македонскиот репрезентативец Елиф Елмас, веројатно ќе го напушти Лајпциг до крајот на преодниот рок. Еламс сезонава ретко игра, од тренерот Марко Росе доби 44 минути во Бундес лигата и 15 во Лигата на шампионите.

Кон крајот на ноември минатата година, кога Елмас се повреди против Латвија, водечкиот германски медиум „Билд“, објави дека Лајпциг е подготвен да го продаде македонскиот репрезентативец за 24 милиони евра.

Интерес за Елмас покажа Валенсија, последнопласирниот тим во шпанската Примера. По 19 одиграни натпревари Валенсија има само 13 бодови. Член на Валенсија е репрезентативниот колега на Елмас, Столе Димитиревски.

Инаку, Валенсија го бара Елмас на позајмица до крајот на сезоната.