Знаете ли која е најдобрата положба за спиење за вашето здравје?

Позицијата во која спиеме може да има значително влијание врз нашето здравје, вклучувајќи го здравјето на срцето, циркулацијата и симптомите како чувство на печење или пецкање зад долниот дел од градната коска.

Позицијата во која спиеме игра клучна улога, бидејќи различните пози можат да предизвикаат различни ефекти врз телото.
Спиењето на левата страна често се поврзува со подобро варење и намалени симптоми на горушица. Оваа поза помага да се намали изложеноста на стомачна киселина, која може да ја намали непријатноста предизвикана од рефлукс и слични проблеми. Сепак, иако се смета дека е корисно за дигестивниот систем, спиењето на левата страна може да изврши притисок и врз срцето, бидејќи ја менува неговата положба во телото, што може да биде незгодно за некои луѓе.

Кога станува збор за избор помеѓу левата и десната страна, некои веруваат дека спиењето на десната страна може да ја олесни циркулацијата, бидејќи не врши притисок врз големите крвни садови. Имено, спиењето на десната страна не предизвикува поголеми проблеми со срцето, но на некои луѓе може да им биде непријатно, особено ако веќе имаат проблеми со срцето.

На трудниците им се препорачува да спијат на левата страна бидејќи оваа положба овозможува подобра циркулација на крвта и го намалува притисокот врз внатрешните органи. Спиењето на десната страна може да биде поудобно во некои случаи, но левата страна обично се препорачува за оптимален проток на крв.

Спиењето на грб може да биде удобно за многумина, но важно е луѓето кои немаат проблеми со дишењето или апнеја при спиење да размислат за други опции бидејќи тоа може да ги влоши некои симптоми. Спиењето на стомак им помага на луѓето кои страдаат од ‘рчење или апнеја, но може да предизвика болки во вратот и грбот поради неприродната положба на телото.

За луѓето со проблеми со срцето, најдобро е да се консултираат со лекар, бидејќи одредени положби може да ги олеснат симптомите или да го намалат оптоварувањето на срцето. Сепак, важно е да се нагласи дека квалитетниот сон и доволното спиење се најважните фактори за одржување на здравјето на срцето.

Без разлика на положбата, одморот и регенерацијата во текот на ноќта се најважни, бидејќи тоа придонесува за одржување на целокупното здравје, вклучувајќи го и срцето.