Алваро Негредо замина во пензија

Шпанскиот фудбалер Алваро Негредо (39) на социјалните мрежи објави дека става крај на професионалната кариера.

Напаѓачот е без клуб од крајот на минатата сезона.

Кариерата ја започна во 2003 година во Рајо Ваљекано. Од 2009 до 2013 година играше за Севилја, потоа се пресели во Манчестер сити и ја освои титулата во англиската Премиер лига во 2014 година.

По Сити настапуваше за Валенсија, Мидлсброу, Бешикташ, Ал Наср, Кадиз и Ваљадолид.

За шпанската репрезентација забележа 21 настап, постигна десет гола и ја освои титулата на Европското првенство во 2012 година.