Извлечени се лицата чиј чамец се преврте во Мавровско Езеро

Двете лица чиј чамец се преврте во Мавровското Езеро се извлекле и се наоѓаат во возило на итната медицинска помош, информираше пред малку директорот на Центарот за управување со кризи, Стојанче Ангелов.

Тие претходно успеале да го вратат чамецот во нормална позиција и потоа да се вратат во него.

Случајот бил пријавен преку единствен број за итни повици 112 околу 12.30 часот од страна од случаен минувач, по што беше покренета спасувачка акција во која се вклучи и полициски хеликоптер со тим од специјалната единица Тигар.