(Видео) Може и без Меси – Торпедото на Алмада го урна Уругвај

Фудбалерите на Аргентина забележаа нова победа во јужноамериканските квалификации за пласман на Светското првенство. И без Лионел Меси,Аргентинците во Монтевидео го совладаа Уругвај со 1:0.

Аргентинците на тој начин ја продолжија доминацијата во јужноамериканските квалификации, имаат 28 бода, шест повеќе од Еквадор и седум од Бразил, со кого ќе се сретнат во следната рунда.

Иако Лионел Скалони не можеше да смета ниту на Лео Меси, ниту на Лаутаро Мартинез, се појави Тиаго Алмада, асот на Лион кој го постигна единствениот гол на натпреварот. Во 68.минута по додавањето од Хулијан Алварез, од речиси 25 метри ја скина мрежата на Уругвај.