ПЕНТАГОН СООПШТИ: Не очекуваме Белорусија да се вклучи во конфликтот во Украина

Пенрагон не ја гледа намерата на Белорусија да влезе во воениот конфликт во Украина, изјави на брифинг со новинарите висок претставник на американското Министерство за одбрана, коментирајќи ги претстојните заеднички тактички летачки вежби меѓу Москва и Минск.

– Знаеме дека Русија и Белорусија ќе одржат заеднички вежби. Не гледаме знаци дека Белорусија има намера да влезе во конфликтот, рече тој.

Претходно прес-службата на Министерството за одбрана на Белорусија соопшти дека од 16 јануари до 1 февруари ќе се одржат заеднички тактички летачки вежби со воздухопловните единици на вооружените сили на двете земји.

Затоа, како што се наведува во одделот, во неделата во Белорусија пристигнала авијациска компонента од Воените вселенски сили на вооружените сили на Руската Федерација.