Ќе играм за Македонија и понатаму, тешко ми е сега да ја оставам!
Македонскиот репрезентативец Аријан Адеми последниот меч за националниот тим го одигра минатата година против Португалија во финалето на баражот за пласман на Светското првенство (СП) во Катар, а во интервју за „Германијак“ открива дека сè уште не мисли да замине во репрезентативна пензија.
Адеми откри дека ќе игра за Македонија и понатаму, односно ќе остане на располагање на новиот циклус за Еуро 2024.
„Решив да продолжам да играм за Македонија. Сакам, можам и ќе играм. Зборував и со селекторот, кој ме сака во националниот тим. Тешко ми е сега да се збогувам, зашто таму има одлични фудбалери кои играме за својата земја и се пласиравме на претходното Европско првенство (ЕП), а сакаме да го направиме тоа повторно“, кажа Адеми.
