(Фото) На вистинска убавица не и треба шминка за да привлече внимание

Австралиската манекенка Шанина Шаик неодамна присуствуваше на традиционалниот фестивал „Revolve“ кој секоја година се одржува во рамките на познатиот музички настан „Coachella“.

Манекенката за таа пригода облече младешки аутфит од кој сигурно ќе воздивнете. Поточно, таа облече мини фустан во маслинесто зелена боја кој ја истакна нејзината завидна фигура. Забележлив беше и деталот околу вратот кој го замени ланчето.

Покрај тоа, Шанина додаде гломазни алки, како и чизми каубојки, кои на целиот стајлинг му дадоа лежерен шмек.

Што се однесува до шминката, познато е дека манекенката претпочита посмирени, нежни тонови, поточно, природен изглед, а овој пат се одлучи за минимална количина шминка.

Таа само ги истакна своите нереално убави очи.

Инаку, Шанина Шаик често ја поврзуваат со Русинката Ирина Шајк и поради нејзиното презиме и поради нејзината специфична убавина.

Работела за престижни брендови како Шанел, Вивиен Вествуд, Дизел, Стела Макартни, Том Форд… и ги красела насловните страници и едиторијалите на престижните модни списанија.