Хрватскиот репрезентативец во фудбал е во тешка психичка состојба, му се заканува затвор: “Не знам колку ќе издржам”

Марио Вушковиќ моментално е во многу тешка ситуација поради обвинувања за допинг, бил позитивен на еритропоетин

Младиот хрватски репрезентативец Марио Вушковиќ е на крстопат во својата кариера, моментално самостојно тренира во својот Сплит и чека прилика да докаже дека е невин во случајот со допинг скандалот. Стоперот на реномираниот германски клуб од Хамбург, ХСВ двапати падна на допинг тест, доколку не успее да докаже дека не е виновен за земање недозволена супстанца, го чека четиригодишна суспензија од фудбалот, а можеби и затворска казна.

Ова секако е огромен шок за Вушковиќ и ХСВ, а додека го чекаат почетокот на судењето, од клубот не кријат дека се разочарани од ситуацијата и стојат на страната на својот фудбалер.

– Надежта има свој монопол. Ништо не забележувате и не знаете што се случува. На сите ни е тешко да се справиме со оваа ситуација. Никогаш не сум доживеал такво нешто. Ова е тешка ситуација и за мене. Во контакт сме и разговараме многу по телефон. Состојбата на умот, се разбира, не е добра, но многу тренира. Така ќе може извесен период да ја одржува кондицијата, но му недостигаат тактички процеси и заедништво со тимот. Немам искуство со ова и не знам колку може да издржи – изјави тренерот на Хамбург, Тим Валтер, додавајќи дека Вушковиќ тренира одвоено, но е во тешка состојба.

За потсетување, 21-годишниот Вушковиќ се пресели од Хајдук во ХСВ во летото 2022 година за вкупно 4,2 милиони евра според познатиот Трансфермаркт.