Тажни вести за фановите: Почина најпрепознатливиот навивач на шпанската репрезентација

Тажни вести пристигнуваат за сите фанови на шпанската репрезентација. Почина најпрепознатливиот фан на „фуријата“, Маноло Касерес Артесеро, или попознат како „Маноло Ел Дел Бомбо“.

Навивачот кој со својот тапан и уникатна облека беше присутен на сите натпревари на Шпанија почина во 76. година од животот.

Веста за неговата смрт ја објави угледниот „Мундо Депортиво“, изразувајќи длабоко сочувство за неговото семејство. Навивачите се збогуваат со својот омилен Маноло, кој остави длабок траг како навивач со искрена емоција и човек кој секогаш пленеше со своето присуство.