Порно актер од Шпанија претставен како Стојанче од Стајковци – успешен студент по медицина

Од Вистиномер на Гугл побарале некаква информација за наводниот европски натпревар за студенти по медицина и фармација, но такво нешто не успеале да најдат. Но, успеале да го најдат дечкото од фотографијата за кој се тврди дека е Стојанче од Стајковци. Проверката покажала дека личноста во белиот мантил всушност е порноактер од Шпанија

Анализираме објава на Фејсбук која вели:

Стојанче Михајловски од Стајковци, Скопје, го освои првото место по медицина на Европското натпреварување за студенти по медицина и фармација. Ниту еден медиум во Македонија не ја објави оваа вест затоа што татко му е трговец и сопственик на пекара. А самиот Стојанче учествувал и во велосипедска тура до Стразбур.

Срами се, Македонијо!

Во прилог на објавата има и фотографија од млад човeк облечен во бел мантил.

Објавата е многу вирална и има повеќе од 7.000 реакции, над 1.000 коментари и 220 споделувања (во моментот на нашата рецензија). Во коментарите сите му честитаат на младиот Стојанче од Стајковци.

На Гугл побаравме некаква информација за наводниот европски натпревар за студенти по медицина и фармација, но такво нешто не успеавме да најдеме.

Но, успеавме да го најдеме дечкото од фотографијата за кој се тврди дека е Стојанче од Стајковци.

Нашата проверка покажа дека личноста во белиот мантил всушност е порноактер од Шпанија.

Фотографијата, доколку ја пребарате на Гугл ќе видите дека се појавува на Фејсбук во март 2020 година.