Уапсени двајца скопјани – Нападнале маж, а подоцна и пријавителот и неговото семејство

Денеска во 00.40 часот по полноќ во Скопје, на подрачјето на Бит Пазар полициски службеници од СВР Скопје ги лишија од слобода С.С.(28) и С.С.(31), двајцата од Скопје, постапувајќи по претходна пријава од Б.Р.(32) од Скопје дека ден претходно околу 20.00 часот во семејниот дом, по претходна расправија, С.С.(28) агресивно се однесувал и физички го нападнал неговиот брат.

Подоцна околу 00.10 часот двајцата пријавени и уште неколку лица, насилно влегле во домот и физички го нападнале него и други членови од неговото семејство, при што употребиле тврд и остар предмет, известија од полицијата.

Се преземаат мерки за расчистување на случајот.